Varnes

Eit gult bringebær? Ja, faktisk – og det er gjerne det første spørsmålet me får når folk ser Varnes for første gong.

Varnes er ein norskutvikla gul bringebærsort med ein heilt eineståande søt smak. Etter vårt syn må dette vere ein seriøs kandidat til tittelen som verdas søtaste bringebær. Smaken er intens, mild og nesten utan den skarpe syra ein gjerne finn i raude bringebær.

Og utsjånaden gjer ikkje akkurat sorten mindre interessant. Dei lysegule bæra skil seg fullstendig ut og vekkjer nesten alltid nysgjerrigheit hos dei som ikkje har sett gule bringebær før. Når dei først får smake, pleier det heller ikkje å vere særleg vanskeleg å overtyde dei.

Varnes kan gi enorme avlingar, men sorten har ein klar beskjed til dyrkaren: Følg med!

Når bæra først bestemmer seg for å modne, går det fort. Dei kan nærmast bråmodne over natta, og i høgsesongen må dei haustast nesten kvar dag. Ventar ein for lenge – særleg i vått vêr – kan bæra gå frå perfekte til overmodne på imponerande kort tid.

Regn er definitivt ikkje bestevennen til Varnes.

Men når bæra blir hausta på rett tidspunkt, er kombinasjonen av den spesielle gulfargen og den intense sødmen vanskeleg å slå.

– Små til mellomstore bær
– Flott og svært særprega gulfarge
– Eksepsjonelt søte
– Svært populære blant kundane
– Enorme avlingar
– Trivst dårleg i regn – må haustast ofte og raskt