Van

Morellen som folk flest tenkjer på når dei skal ha moreller?

Det er Van.

Det finst visst ikkje andre sortar. 😀

Van er ein kanadisk sort utvikla ved Summerland i British Columbia og vart etter kvart ein av dei aller viktigaste sortane i norsk morelldyrking. I fleire tiår var Van nærmast sjølve målestokken på korleis ei skikkeleg morell skulle smake og kjennast.

Og det er ikkje heilt utan grunn.

Bæra er mellomstore til store, mørke og kompakte, med fast og knasande sprøtt kjøt. Smaken er søt og fyldig med akkurat nok syre til at ho ikkje berre blir ei sukkerbombe. Ei perfekt moden Van er framleis heilt der oppe blant dei beste.

Men Van har ein erkefiende.

Regn.

Ho sprekk omtrent i filler berre ho høyrer ordet. Det har gjort sorten krevjande å dyrke utan dekke i vårt klima, og er ein av grunnane til at mange nyare sortar etter kvart har teke over mykje av den kommersielle produksjonen.

Likevel har Van noko dei ikkje så lett tek frå henne: namnet og ryktet.

For kundane kjenner Van. Dei spør etter Van. Og enkelte er framleis ganske overtydde om at ei skikkeleg morell skal vere Van.

Så sjølv om me i dag har sortar som er større, meir produktive og langt mindre redde for regn, held den gamle kanadiaren stand.

Er du morellbonde og finn på å ikkje dyrke Van, kan du vere ganske sikker på at du får høyre om det.
– Kanadisk sort utvikla ved Summerland i British Columbia
– Mellomstore til store, mørke bær
– Søt og svært god smak
– Fast og knasande sprø konsistens
– Svært utsett for sprekking i regn
– I fleire tiår ein av dei viktigaste morellsortane i Noreg
– Framleis sjølve definisjonen på morell for mange kundar
– Publikumsfavoritt