Reeves

Reeves

Skal ein peike ut sjølve hovudplomma i Hardanger, er det vanskeleg å komme utanom Reeves.

Me tippar at kring halvparten av plommene som vert dyrka her i området er Reeves – og det er ikkje tilfeldig. Dette er ein sort som kombinerer store avlingar, store frukter og svært god kvalitet på ein måte som har gjort henne til ein skikkeleg arbeidshest i moderne plommedyrking.

Reeves er ein kanadisk sort frå rundt 1940, og frukta er lett å kjenne att. Ho er nesten trillande rund, stor og med eit flott oransje-rosa skal som verkeleg skil seg ut.

Men Reeves er langt meir enn utsjånad.

Fruktkjøtet er saftig, litt sprøtt og har ein god, karakteristisk smak. Steinen slepp dessutan kjøtet svært lett. Del ei moden Reeves i to, og steinen nærmast ramlar ut av seg sjølv.

Då står ein att med to solide halvdelar og omtrent eit lite måltid.

Trea er relativt riktberande og produserer stort sett svært godt, sjølv om enkelte år kan gi overraskande mindre avling. Når Reeves først bestemmer seg for å bere skikkeleg, går det derimot fort i kilo.

Og det blir lagt merke til av dei som skal hauste.

Store plommer, mykje vekt i kvar hand og kassar som fyller seg fort gjer Reeves til ein klar favoritt blant hjelparane når plommehaustinga står på.

God for kunden. God for dyrkaren. Og definitivt god for den som får betalt per time for å fylle kassar. 😀

– Kanadisk sort frå rundt 1940
– Den viktigaste plommesorten i Hardanger
– Stor og nesten trillande rund
– Flott oransje-rosa skal
– Særs saftig med litt sprøtt fruktkjøt
– God og karakteristisk smak
– Steinen slepp kjøtet svært lett
– Stort sett store og gode avlingar
– Gir fort mykje tonnasje når haustinga kjem i gang
– Ein favoritt blant hjelparane – kassane fyller seg fort