Glen Ample

Snart femti år etter at Glen Ample vart utvikla i Skottland, er dette framleis sorten alle dei andre må måle seg mot.

På mange måtar er Glen Ample sjølve standarden i bringebærverda. Når nye sortar blir utvikla, er spørsmålet ofte om dei kan levere større avling, lengre sesong eller betre eigenskapar – utan å gi slepp på kvalitetane som har gjort denne klassikaren så populær.

Og først og fremst handlar det om smaken.

Glen Ample gir store, flotte og fantastisk gode bringebær, med den saftige og karakteristiske bringebærsmaken mange rett og slett meiner eit bringebær skal ha. Avlingane er gode og konsentrerte rundt høgsommaren, med om lag ein månad samla produksjon. Det er ikkje den lengste sesongen i verda, men det Glen Ample gjer, det gjer han svært godt.

Bæra er like gode rett frå planten som dei er til syltetøy og anna vidareforedling. Og blant dei verkeleg ihuga bringebærentusiastane har sorten ein status som gjer at det fort kan bli høglydt diskusjon dersom ein finn på å ikkje ha Glen Ample i sortimentet.

Nye sortar kjem og går.

Kongen sit framleis på trona.

– Riktberande
– Store, flotte og svært velsmakande bær
– Relativt kort, men konsentrert sesong
– Sjølve målestokken i bringebærverda