Elstar

Elstar er ein av dei viktigaste seine eplesortane våre – og ein av dei sortane som gjer at eplesesongen kan vare lenge etter at sjølve haustinga er ferdig.
Dette er nemleg eit skikkeleg lagringseple. Under gode forhold kan me ha glede av Elstar langt utpå nyåret, og kvaliteten held seg imponerande godt.
Men det er ikkje først og fremst derfor Morellmannen har Elstar heilt oppe blant favorittane.
Det er smaken.
Elstar har ein intens og samansett eplesmak med flott balanse mellom sødme, frisk syre og mykje aroma. Fruktkjøtet er fast, hardt og knasande sprøtt – akkurat den konsistensen som gir kjensla av at no et du eit skikkeleg eple.
På ein god dag er Elstar definitivt kandidat til Morellmannen si topp tre-liste.
Sorten vart utvikla i Nederland, i området rundt Elst, og har både Ingrid Marie og Golden Delicious i slekta. Eit mørkt raudt eple på den eine sida og eit langt lysare på den andre – og ut av kombinasjonen kom Elstar med sitt heilt eigne uttrykk.
Trea er riktberande, og når avlinga er god, blir det mykje eple å ta hand om.
Men ein må vente.
Elstar er sein. Veldig sein.
Når mange av dei andre sortane for lengst er i hus, står Elstar framleis ute og bruker tida si på å utvikle smak og kvalitet.
Men den som ventar på noko godt…
I dette tilfellet er det faktisk verdt det.

– Nederlandskutvikla sort med Ingrid Marie og Golden Delicious i slekta
– Ein av dei viktigaste seine eplesortane våre
– Riktberande med gode avlingar
– Intens og svært god eplesmak – kandidat til Morellmannen si topp tre-liste
– Flott balanse mellom sødme, frisk syre og mykje aroma
– Fast, hard og knasande sprø konsistens
– Svært gode lagringseigenskapar – kan halde seg langt utpå nyåret
– Sein. Veldig sein.
– Ein klar kundefavoritt
– Den som ventar på noko godt, ventar på Elstar