Areko

Areko vart introdusert her på garden i 2023, og for å seie det mildt: Me har ikkje angra eitt sekund.

Dette er ein særs riktberande sort med imponerande smak og konsistens, og etter vårt syn legg Areko seg heilt i toppen av kor god ei morell kan bli – både for dyrkaren og den som får gleda av å ete henne.

Morellene er store og nærmast perfekt hjarteforma, med ein heilt eigen balanse mellom sødme og syre som me enno ikkje har funne maken til i andre sortar. Smaken er litt annleis enn den klassiske morellsmaken, men du verda så god.

Areko er ein tysk sort, ei kryssing mellom Kordia og Regina – to verdskjende morellsortar. Det var med andre ord eit ganske godt utgangspunkt. Resultatet vart ikkje akkurat dårleg heller.

– Store bær
– Knasande sprø
– Utypisk morellsmak – men utruleg god
– Enorme avlingar, utan behov for tynning
– Blant topp tre hos kundane våre