Anna

Jo, det er ei pære.

Ho har forma, ho har fargen og ser stort sett ut akkurat slik ei pære skal sjå ut. Men på smak skil Anna seg litt frå mange av dei andre pæresortane våre. Her er det syra som får spele ei større rolle, framfor den utprega sødmen me gjerne forbind med ei skikkeleg moden pære.

Anna er ikkje ein av hovudsortane våre, og det er heller ikkje først og fremst derfor me dyrkar henne.

Ho har nemleg ein langt viktigare jobb.

Ingeborg er sjølvsteril og er avhengig av pollen frå ein annan kompatibel pæresort for å setje frukt. Her fungerer Anna som ein svært god pollinator. Så sjølv om ho kanskje ikkje får like mykje merksemd som dei store pærestjernene, er ho ein viktig del av laget.

Ingen Anna, langt mindre Ingeborg.

Som konsumpære står ho etter vårt syn litt i skuggen av dei søtaste sortane, men den friskare og meir syrlege smaken gjer henne til gjengjeld svært godt eigna til foredling. Hermetisering og dessertar er område der Anna verkeleg kan kome til sin rett.

Alle treng ikkje vere hovudattraksjonen.

Nokon må sørgje for at showet faktisk blir noko av.

– Viktig pollinator for Ingeborg
– Godt eigna til hermetisering, dessertar og anna foredling
– Frisk smak med meir syre og mindre sødme enn mange andre pæresortar
– Ikkje hovudrolla i pærehagen – men ein viktig del av laget